މިސްބާޙް މުޖުތަބާ

ޒުވާނުންގެ ކުރިމަގު އުޖާލާކުރުމަށްޓަކައި އާމްދަނީއާއި ވިޔަފާރީގެ ފުރުސަތުތައް ފަހިކުރުން

ރަށުގެ ޒުވާން ޖީލަށް އާމްދަނީއާ ވިޔަފާރީގެ ފުރުސަތުތައް ހޯދައިދީ، ސީ ގްރާސް އާލާކުރުމާއި، މޫދުވިނަ ހެއްދުމާއި ފަޅު ގޮވާންކުރުމުގެ ޕްރޮޖެކްޓްތައް ހިންގުން. ޒުވާނުންނަށް މާލީ އަދި ފަންނީ އެހީތެރިކަން ފޯރުކޮށްދިނުން.

ދަނޑުވެރިކަން އާ ހަރުފަތަކަށް

ބިމުގެ ދަތިކަމަށް ހައްލެއް ހޯދުމަށް ވާޓިކަލް ފާމިން (ހައިޑްރޯޕޯނިކްސް، އެކުއާޕޯނިކްސް) ތަޢާރަފުކޮށް، ޒަމާނީ ވަޞީލަތްތަކާއެކު ދަނޑުވެރިންނަށް ފަންނީ ތަމްރީނު ފޯރުކޮށްދިނުން.

ވިޔަފާރިތަކަށް ލުއި ފަސޭހަ ގޮތްތައް ހޯދައިދިނުން

ވިޔަފާރީގެ މަންފާ އިތުރުކުރުމަށް ވެއަރ ހައުސިން އަދި ކޯލްޑް ވެއަރ ހައުސިން ތަޢާރަފުކޮށް، ގުދަންކުރުމަށާއި ކަރަންޓަށް ކުރާ ޚަރަދު ކުޑަކުރުން.

ލޯންޗު އަދި ޑިންގި ބަނުމުގެ ސިނާއަތެއް އުފެދުމަށް އެހީތެރިވުން

މާމެންދޫގައި ލޯންޗު އަދި ޑިންގި ބަނުމުގެ މަސައްކަތް ފަށައި، ޒުވާނުންނަށް އާމްދަނީގެ އާ ދޮރުތައް ހުޅުވައިދިނުން. މިކަމަށް ބޭނުންވާ ބިން ހެޔޮ އަގުގައި ދޫކުރުން.

ސްކޫލު ކުދިންގެ ހުނަރު ކުރިއެރުވުން

ސޮފްޓް ސްކިލްއާއި، ރިވެތި އަޚްލާޤާއި ނަމާދު ޕްރޮގްރާމްތައް ކުރިއަށްގެންދިއުން. ހުނަރުވެރި، ދީންވެރި ޖީލެއް ބިނާކުރުން.

އިންޓާންޝިޕް އަދި ހުނަރު ދަސްކޮށްދިނުމުގެ ޕްރޮގްރާމްތައް

ގްރޭޑް 10 ނިންމާ ދަރިވަރުންނަށް ވަޒީފާގެ މާހައުލު ތަޖުރިބާކުރުމުގެ ފުރުޞަތު ހޯދައިދިނުން. އަދި ކޮންމެ އަހަރަކު ޒުވާނުންނަށް އާ ހުނަރުތައް (މިސާލަކަށް: ލިޔެލާ ޖެހުން، ކަރަންޓު މަސައްކަތް) ދަސްކޮށްދިނުން.

ޒުވާނުން މަސްތުގެ ވަބާއިން ސަލާމަތްކުރުން

މަސްތުގެ ވަބާގައި ޖެހިފައި ތިބި ކުދިންނަށް ފަރުވާދީ، ޕޮލިހުންނާއި ޑިޓޮކްސްއާ ގުޅިގެން ޚާއްސަ ޓާސްކްފޯސްއެއް ޤާއިމުކުރުން.

ރަށުގައި ނާސަރީ ތަޢުލީމު ކަށަވަރުކުރުން

ތުއްތު ކުދިންނަށް ބޭބީ ނާސަރީ އަދި ނާސަރީ ކްލާސްތަކުގެ ޚިދުމަތް ރަށުގައި ލިބިގެންދާނެކަން ކަށަވަރުކުރުން.

ކިޔެވުމުގެ އުނިކަންހުންނަ ކުދިން ދެނެގަތުމާއި ހޭލުންތެރިކުރުުން

އޭޑީ.އެޗް.ޑީ، އޯޓިޒަމް ފަދަ ކަންކަން ދެނެގަނެ، ބެލެނިވެރިން ހޭލުންތެރިކުރުވައި، ދެވިދާނެ ތެރެޕީތަކާ ގުޅޭ މަޢުލޫމާތު ފޯރުކޮށްދިނުން.

ސްކޫލުގެ ކޮމްޕިއުޓަރ ލެބަށް ބޭނުންވާ ސާމާނު ހަދިޔާކުރުން

ޒަމާނީ ކޮމްޕިއުޓަރުގެ އެހީގައި ދަރިވަރުންގެ އުނގެނުމުގެ ފެންވަރު މަތިކޮށް، މުދައްރިސުންނަށް ކިޔަވައިދިނުމަށް ފަސޭހަ މާހައުލެއް ޤާއިމުކޮށްދިނުން.

އަންހެނުންނަށް ހާއްސަ ކަސްރަތު ޕްރޮގްރާމްތައް (ބޫޓް ކޭމްޕް)

އަންހެނުންގެ ދުޅަހެޔޮކަމަށްޓަކައި "ބޫޓް ކޭމްޕް" ހިންގައި، ރައްކާތެރި މާހައުލެއްގައި ކަސްރަތުކުރުމުގެ ފުރުޞަތު ފަހިކޮށްދިނުން.

ފަންނީ ކޯޗިންގ ޕްރޮގްރާމްތައް

ކުޅިވަރުގެ ދާއިރާއިން ކުރިއަށްދާން ބޭނުންވާ ފަރާތްތަކަށް ފަންނީ ތަމްރީނުދީ، ކުޅިވަރުގެ ހުނަރުވެރިން އުފެއްދުން.

ދުޅަހެޔޮ ދިރިއުޅުމަކަށް ހޭލުންތެރިކުރުމުގެ ޕްރޮގްރާމް

ރަނގަޅު ކާނާއާއި ނަފްސާނީ ދުޅަހެޔޮކަމާ ގުޅޭގޮތުން މުޖުތަމަޢު ހޭލުންތެރިކޮށް، ދިރިއުޅުމުގެ ރަނގަޅު އާދަތައް އަށަގެންނެވުން.

މޫދު ކުޅިވަރު ނުވަތަ ވޯޓާ ޕާކް ތަރައްޤީކުރުން

ރަށުގެ ބީޗް ސަރަހައްދުގައި އާއިލާތަކަށާއި ކުޑަކުދިންނަށް ހާއްސަ "ވޯޓާ ޕާކެއް" ޤާއިމުކޮށް، މޫދު ކުޅިވަރު ދިރުވުން.

އިންޑޯ ޗިލްޑްރެން ޕްލޭއިން ޕާކް

ހުރިހާ މޫސުމެއްގައިވެސް ކުދިންނަށް ކުޅެވޭނެ ޒަމާނީ އިންޑޯ ޕާކެއް ހަދައި، ކުދިން ސްކްރީނާ ދުރުކޮށް ހަށިހެޔޮކަން އިތުރުކުރުން.

އިންޑޯ ޖިމްގެ ޚިދުމަތް ކަށަވަރުކުރުން

ޒަމާނީ ވަސީލަތްތަކާއެކު އެންމެންނަށް ކަސްރަތު ކުރެވޭނެ އިންޑޯ ޖިމްއެއްގެ ޚިދުމަތް ފޯރުކޮށްދިނުން.

ކޮންފަރެންސް ސެންޓަރެއް ގާއިމުކުރުން

ސަރަހައްދީ ފެންވަރުގެ ބައްދަލުވުންތައް ބޭއްވޭނެ ޒަމާނީ ސެންޓަރެއް ބިނާކޮށް، ގެސްޓްހައުސް ވިޔަފާރިއާއި އިޤްތިސާދު ކުރިއެރުވުން.

ތިމާވެއްޓާ ރައްޓެހި ގޮތެއްގައި ކަށިވެލި ނެގުމުގެ އިންތިޒާމު

ތިމާވެށި ހިމާޔަތްކުރުމާއެކު، އާންމު ބޭނުންތަކަށް ކަށިވެލި ނެގޭނެ އިންތިޒާމު ހަމަޖައްސައިދިނުން.

މާމެންދޫ-ހުޅެމެންދޫ ފާލަމަކުން ގުޅުވާލުމާއި ޓޫރިޒަމް ހަބެއް

މާމެންދޫ އާއި ހުޅެމެންދޫ ފާލަމަކުން ގުޅުވާލައި، ހުޅެމެންދޫގައި ޕިކްނިކް ސަރަހައްދަކާއި ޓޫރިޒަމް ހަބެއް ތަރައްޤީކުރުން.

ނޭޗާ އެންޑް ހެރިޓޭޖް ޕާކު: ތާރީޚާއި ސަގާފަތުގެ ދިރުން

ކާބަފައިންގެ ދިރިއުޅުން ދައްކުވައިދޭ މޮޑެލްތަކާއެކު ޕާކެއް ހަދައި، ފަތުރުވެރިކަމަށާއި އަންނަން އޮތް ޖީލުތަކަށް ތާރީޚު ފޯރުކޮށްދިނުން.

އިލްމީ މުޖުތަމައަކަށް ޒަމާނީ ލައިބްރަރީއެއް

ދިރާސާކުރުމާއި އުނގެނުމަށް ފަހި މާހައުލެއް ޤާއިމުކުރުމަށް ޒަމާނީ ލައިބްރަރީއެއް ތަރައްޤީކުރުން.

މަސްވެރިންނަށް ހާއްސަ "ފިޝިންގ ޖެޓީ"

ރަށުގެ އިރުމަތީ ފަރާތުގައި ސްޕޯޓްސް ފިޝިންގްއަށާއި މަންޒަރު ބަލާލުމަށް ހިތްގައިމު ޖެޓީއެއް ތަރައްޤީކުރުން.